VIR DIE VOLWASSENES
Oop vir die oomblik Bybelstudie
Ouerskap (GRATIS)
Om as familie saam deur onbekende gebiede te reis – dít is die uitdaging wat ouers vandag moet aanpak. Hierdie boek en DVD sal ouers help raaksien wat hulle reeds reg doen met hulle kinders. In die proses sal ouers ontdek hoe God bedoel het families móét werk, hoe God families “vergroot”, en hoe Hy vreemdelinge laat tuiskom in families en hulle deel van families maak. Die vyf sessies in hierdie boek fokus op hoe ons as gelowiges ten diepste oor families dink. Ons kyk na die “wees”-funksies van al die familielede.
God se waardes vir die lewe (GRATIS)
Die mees betekenisvolle en effektiewe ding wat ’n mens as ouer vir jou kinders kan doen, is om vir hulle gesonde waardes aan te leer. 12 waardes aan die hand van speletjies, aktiwiteite, gesprek, aanmoediging en beloning
DANIEL: Die heerskappy behoort aan God (GRATIS)
Die boek Daniël is egter nie net vol onvergeetlike heldedade nie. Dit is geskryf om gelowiges aan te spoor om in moeilike tye op God te bly hoop. Daarom vleg daar een element soos ’n goue draad deur al hierdie verhale: Daniël en sy drie vriende se onwrikbare vertroue op God.
Ons leef in ’n tyd waarin dit nie meer in is om te staan by wat jy glo nie en om kompromieë aan te gaan. Wanneer jy die boek Daniël lees, besef jy egter: Geen kompromieë met die wêreld is vir gelowiges moontlik nie. Dit is ook nie nodig nie, want die God van Daniël is vandag steeds in beheer van die lewe van dié wat in alle omstandighede aan Hom getrou bly.
Boodskap vir Vandag-dagstukkies (GRATIS)
Elke boek in hierdie reeks is saamgestel uit die gewilde jaardagboek Boodskap vir vandag wat in e-boekformaat verskyn het. Elke titel in hierdie reeks bevat 30 dagstukke oor ʼn spesifieke tema.
Met elke dagstuk delf die skrywer diep in die Bybel en daag sy lesers uit met interessante stories en Bybelwaarhede wat ʼn groot invloed op hulle geloofslewe en spiritualiteit kan hê.
